Rainbow Cake

Bahan:

- Tepung trigu 200 gram.

- Gula pasir 300 gram.

- Endhog pitik 8 iji.

- Lenga goreng 300 ml

-  Vanili bubuk ½ sendhok teh

- Uyah ½ sendhok teh

- Emulsifer 1 sendhok teh (supaya adonan bolu empuk lan alus)

- Sumba sing aman kanggo panganan: abang, oranye, kuning, ijo, biru lan wungu.

- Butter cream (krim mertega)

Cara panggawene:

-  Endhog lan gula pasir dimixer nganti nyampur rata lan alus. Emulsifier (bahan tambahan  ben adonan dadi alus lan lembut) dicemplungake adonan. Terus dimixer nganti mumbul.

-  Campuren lenga goreng menyang sebagiyan adonan roti, diudhak-udhak nganti nyampur rata.

-  Tepung trigu saka sethithik dicampur menyang adonan, diudhak nganti rata tenan.

-  Campuren adonan sing wis diwenehi lenga goreng mesisan nganti nyampur rata.

-  Adonan didum dadi 6 perangan, diwadhahi mangkok sing akehe padha. Saben mangkok diwenehi sumba abang, oranye, kuning, ijo, biru lan wungu.

-  Siapna loyang ukuran 24 x 12 cm sing wis dilapisi kertas roti lan dipoles tipis wae nganggo mertega. Kukusen adonan mau kira-kira 20 menit.

-  Yen sekirane wis mateng banjur diangkat, diangin-anginake dhisik sadurunge ditumpuk.

-  Panggonan kang arep dienggo numpuk rainbow cake dilemeki kertas roti utawa plastik.

-  Sawise kuwi bolu kukus lagi ditumpuk. Urut-urutane werna gumantung kesenengane dhewe.

-  Amrih panumpuke tumata rapi, saben salapis diseseli adonan butter cream.

-  Yen wis numpuk kabeh, bolu kukus ditutup nganggo adonan butter cream nganti rata. Perangan ndhuwur bisa diwenehi rerenggan stroberi lan diwur-wuri perman maneka warna.

-  Bolu kukus ya rainbow cake wis bisa didhahar kanggo nyamikan ngopi wanci sore.

http://www.panjebarsemangat.co.id/kagunan-dapur