DAYANE ESEM
Cok-cokane nyong trataban
angger pas menangi rika lagi mesem
Sumpah neng batin kayong prencalan kayong agep mbedal-mbedala
Apa maning enyong,suket be genteyang-genteyong sedek
kepengin ucul sekang cengketeme lemah
Semilire angin alus tur angler, ningen nglorod balung
BUSUNG!!!!
Ngantek lang kadaya kekuatan sepetil-petila
Manggua teyeng, kepengin eseme rika tek buntel,
tek gawa bali, sog nangisor kampil
Supaya neunggal wengi teyeng tek sanding, tek sawang,
tek lebok nang impen
Manggua nenggigir tukul cewiwi eseme rika tek gawa
mabur ngatek gutul langit sap pitu
Supayane wulang ligutan kelangan sawang
Owalah gusti-gusti
Deneng kula dadi kaya niki, mung jeregan esem koh dadi
ora ngelak, ora kencot
Ningen awak lemes bules ilang daya
Karepe ngglegeg kambi mbekekep esem
Jan apa enggane ngantekan semeno kuat dayane esem?
Owalah gisti-gusti
Paringana kemante pandaya
Supadosa kula saged mbekta wangsul eseme
Supayane saged kula jagi,kula ipuk-ipuk,tek rumat ngatek
rampung gutul titi mangsane
Owalah gusti kula ngaku kalah sederenge perang
Tidak ada komentar:
Posting Komentar